HimHim現在25M我努力訓練佢做一個獨立仔，幸好我同爸爸係對小朋友自理的態度好一致，就係「放手比佢盡力試」，日常生活上簡單叫佢放好d衫，自己著鞋襪，除鞋後要放好，自己書包自己拎等等，當然時間一定用多好多，但我地都會比多d耐性「放手比佢盡力試」。
昨晚同HimHim落會所要除鞋，佢除左3分鐘都除唔到，可能有媽媽見到會忍唔住幫左佢，但我同爸爸就靜靜地企係度睇下佢自己點解決（當然好多時因為過程我地覺得好好笑，所以我地好願意做觀眾hehee）但小朋友學識左，自己都有成功感，做家長有時真係要「忍」，唔識就盡量忍住唔好幫，跌親就忍住自己d反應唔好大過佢，輕輕鬆鬆話無事繼續走。
好多人話窮養子富養女（......好在生仔Hahaa) 所以我覺得仔係應該要早d學習獨立，學習禮貌，覺習風度......過多幾年去超市就可以多對手幫媽媽拎野啦，hahaaa太好！^^
Search